पाल्पा, सूर्य ज्योति लाईफ इन्स्योरेन्स कम्पनी लिमिटेड रामपुर शाखाले मृत्यु दावी रकम भुक्तानी गरेको छ । निस्दी गाउँपालिका–४, मित्यालका पुरन स...
पाल्पा, सूर्य ज्योति लाईफ इन्स्योरेन्स कम्पनी लिमिटेड रामपुर शाखाले मृत्यु दावी रकम भुक्तानी गरेको छ । निस्दी गाउँपालिका–४, मित्यालका पुरन सिंह सुतीको परिवारलाई मृत्यु दावी रकम भुक्तानी गरेको हो ।
पाँच वर्ष अघि ५ लाखको सावधिक वीमा पोलिसी खरिद गर्नु भएका सुतीको गत कार्तिकमा निधन भएको थियो । सूर्य ज्योति लाईफ इन्स्योरेन्स कम्पनी लिमिटेड रामपुर शाखाले आज एक कार्यक्रमका विच छ लाख १४ हजार ५८३ रुपैयाँ बराबरको चेक हस्तान्तरण गरेको हो । सूर्य ज्योति लाईफ इन्स्योरेन्स कम्पनी लिमिटेड रामपुर शाखाका प्रमुख विष्णु लम्सालले अभिकर्ता धन बहादुर ठाडा सहितका व्यक्तिहरुको उपस्थितिमा स्वर्गीय सुतीको श्रीमती जयन्ती सुतीलाई चेक हस्तान्तरण गर्नु भएको हो ।
शाखा प्रमुख लम्सालले विमाङ्क रकम ५ लाख र आर्जित बोनस सहितको रकम प्रदान गरिएको जानकारी दिनुभयो । स्वर्गीय सुतीले पाँच वर्षको अवधिमा कम्पनीलाई एक लाख ४६ हजार आठ सय २५ रुपैयाँ भुक्तानी गर्नु भएको थियो ।
