चापाकोट, २७ वैशाख । स्याङ्जाको चापाकोट नगरपालिका ९ का एक युवक कालीगण्डकी किनारमा मृत अवस्थामा फेला परेका छन् । चापाकोट नगरपालिका ९ का बैडी...
चापाकोट, २७ वैशाख । स्याङ्जाको चापाकोट नगरपालिका ९ का एक युवक कालीगण्डकी किनारमा मृत अवस्थामा फेला परेका छन् ।
चापाकोट नगरपालिका ९ का बैडी बस्ने अन्दाजी ३० वर्षीय दुर्गा बहादुर थापा (सफल) रामपुर नगरपालिका ८ भुजातस्थित कालीगण्डकी किनारमा बिहीबार मृत अवस्थामा फेला परेको प्रहरीले जनाएको छ ।
कालीगण्डकी किनारमा माछा मार्न गएका माझीले मृतक युवकको शव देखेपछि प्रहरीलाई खबर गरेका थिए ।
थापा आइतबार बिहानदेखि सम्पर्क विहिन रहेको बुझिएको इलाका प्रहरी कार्यालय रामपुरका प्रहरी निरीक्षक शालिकराम खनालले जानकारी दिनुभयो ।
प्रहरीले घटनाको सम्बन्धमा आवश्यक अनुसन्धान गरिरहेको जनाएको छ ।
