स्याङ्जा, १८ वैशाख । स्याङ्जाको चापाकोट नगरपालिकामा १ मैदानमा सोमबारदेखि लागेको आगो नियन्त्रण बाहिर गएको छ । आगोले अहिलेसम्म छ जनाको घर र ...
स्याङ्जा, १८ वैशाख । स्याङ्जाको चापाकोट नगरपालिकामा १ मैदानमा सोमबारदेखि लागेको आगो नियन्त्रण बाहिर गएको छ । आगोले अहिलेसम्म छ जनाको घर र गोठ जलेर नष्ट गरेको छ भने लाखौँको क्षति पुर्याएको छ ।
जिल्ला प्रहरी कार्यालय स्याङ्जाका अनुसार सम्पास सामुदायिक जंगलमा लागेको आगो फैलिएर सोमबार सोही ठाउँ बस्ने ३ जनाको ३ वटा घर र गोठ जलेर नष्ट भएको छ ।
त्यसैगरी सोही जगंलमा लागेको आगोले वडा नं १ को वरिडाडामा आज थप ३ घर जलेर नष्ट भएको छ भने क्षतिको विवरण आउन बाँकी रहेको प्रहरीले बताएको छ ।
जंगलमा लागेको आगो गाउँमा आएर थप क्षति हुन नदिने अहिले जनप्रतिनिधि, प्रहरी र स्थानीय लागी परेको स्थानीय गोपीकृष्ण रेग्मीले जानकारी दिनुभयो ।
अहिले गाडीमा पानी बोकेर आगो नियन्त्रण गर्ने प्रयास भइरहेको उहाँको भनाई छ ।
आगो निभाउनेका लागि स्थानीयले सामाजिक सञ्जालमार्फत सहयोगका लागि अपिल गरेका छन् । जंगलमा लागेको आगो अहिलेसम्म नियन्त्रण आउन नसकेको प्रहरीको भनाई छ ।
