स्याङ्जा, नेपाल कुवेत सरोकार समाजको सहयोगमा स्याङ्जाको चापाकोट नगरपालिकामा हिजो मंगलबार राहत वितरण कार्यक्रम गरिएको छ । देश नै कोरोना को महा...
स्याङ्जा,
नेपाल कुवेत सरोकार समाजको सहयोगमा स्याङ्जाको चापाकोट नगरपालिकामा हिजो मंगलबार राहत वितरण कार्यक्रम गरिएको छ । देश नै कोरोना को महामारीमा परेको बेला चापाकोट नगरपालिका का महामारीको चपेटामा परेका विपन्न वर्गका घर परिवारलाई राहत वितरण गरिएको हो ।
चापाकोट नगरपालिका वडा नं ९,२ र ८ मा ३२ घर धुरीलाई १५ के जी चामल, १ के जी दाल, १ पोका तेल र १ के जी नून का दरले राहत वितरण गरिएको नेपाल कुवेत सरोकार समाजका सदस्य दीपक सुनार ले जानकारी दिनुभयो ।
पछिल्लो समय कोरोना महामारीको असहज परिस्थितिमा कोहि पनि भोकले छट्पटाउन नपरोस् भन्ने ध्येयका साथ राहत वितरण अभियान चलाइएको नेपाल कुवेत सरोकार समाजले जनाएको छ । राहत वितरण अभियान सदस्य दीपक सुनार को नेतृत्वमा साथै न्यू युनाइटेड भु पु चोक क्लब को सहायतामा गरिएको थियो ।
