सिद्धार्थ राजमार्गस्थित पाल्पा–बुटवल सडकखण्डको सिद्धबाबा क्षेत्रमा काम गर्दै आएको एक स्काभेटरमा झुण्डिरहेको अवस्थामा एक युवाको शव फेला परे...
सिद्धार्थ राजमार्गस्थित पाल्पा–बुटवल सडकखण्डको सिद्धबाबा क्षेत्रमा काम गर्दै आएको एक स्काभेटरमा झुण्डिरहेको अवस्थामा एक युवाको शव फेला परेको छ । प्रहरीको सनाखतपछि ति युवा स्याङजा कालिगण्डकी ३, ठेकरदीका ४० बर्षिय अर्जुन घर्ती भएको जिल्ला प्रहरी कार्यालय पाल्पाले जनाएको छ । आफैंले काम गर्ने स्काभेटरमा आफ्नै ज्याकेट र टोपी जोडिएको टोपीबाट रसी थुतेर ति युवाले पासो बनाएका थिए , यद्यपी उनी आफैं मरेका हुन या मारेर झुण्डाइएको बारे पुष्टि भैसकेको छैन ।
आफैंले काम गर्ने स्काभेटरमा ज्याकेटको टोपीमा रहेको रसीले पासो लगाएर झुण्डिएको अवस्थामा उनलाई स्थानीयले देखेपछि प्रहरीलाई खबर गरेका थिए । पोष्टमार्टमपछि थप अनुसन्धान गर्ने प्रहरीले जनाएको छ ।
