पाल्पा, रामपुर नगरपालिका-५ भम्बकमा घाँस काट्ने क्रममा करेन्ट लागेर एक युवकको मृत्यु भएको छ । मृत्यु हुनेमा रामपुर नगरपालिका-५ भम्बक बस्ने ...
पाल्पा, रामपुर नगरपालिका-५ भम्बकमा घाँस काट्ने क्रममा करेन्ट लागेर एक युवकको मृत्यु भएको छ । मृत्यु हुनेमा रामपुर नगरपालिका-५ भम्बक बस्ने ३४ वर्षिय गोविन्द कुमाल रहेको प्रहरीले जनाएको छ ।
मंगलबार विहान ७:३५ बजे घर नजिकैको बारीमा रहेको काब्रोको घाँस झार्ने क्रममा उनलाई करेन्ट लागेको थियो । घाँसको डाला नाङ्गो तारमा अड्कीए पछि सोही डाला तान्ने क्रममा करेन्ट लागेर उनी भुँईमा खस्न गई गम्भीर घाईते भएका थिए । उनलाई लगतै उपचारको लागि रामपुर अस्पताल लगिएकोमा ७:५० मा डाक्टरले मृत घोषणा गरेको ईलाका प्रहरी कार्यालय रामपुरका वरिष्ठ प्रहरी नायव निरीक्षक दल बहादुर बुढाले जानकारी दिनुभयो ।
उनको शव रामपुर अस्पतालमा राखिएको छ । घटनाको विषयमा अनुसन्धान भैरहेको प्रहरीले जनाएको छ ।
