स्याङ्जा, १७ जेठ । स्याङ्जाको वालिङ नगरपालिकामा सोमबार बेलुका जीप दुर्घटना हुँदा ३ जना घाईते भएका छन् । वालिङ नगरपालिका ६ आम्दालीस्थित भित...
स्याङ्जा, १७ जेठ । स्याङ्जाको वालिङ नगरपालिकामा सोमबार बेलुका जीप दुर्घटना हुँदा ३ जना घाईते भएका छन् ।
वालिङ नगरपालिका ६ आम्दालीस्थित भित्री सडकमा ग १ ज ४९१५ नम्बरको जीप दुर्घटना हुँदा ३ जना घाईते भएको प्रहरीले बताएको छ ।
जिल्ला प्रहरी कार्यालय स्याङ्जाका अनुसार जीप दुर्घटनामा परी घाईते हुनेमा वालिङ् नगरपालिका ६ साठीघरे बस्ने ४३ वर्षीय धन बहादुर सार्की, जीपमा सवार सोही ठेगाना भएका ४३ वर्षीय एक बहादुर थापा र ४० वर्षीय बसन्त थापा रहेका छन् ।
घाईते सबैको स्थानीय मेडिकल मिर्दिमा उपचार भईरहेको र घटनाको सम्बन्धमा थप अनुसन्धान भईरहको प्रहरीले बताएको छ ।
