पोखरा । जिल्ला प्रहरी कार्यालय कास्कीमा कार्यालय प्रमुख परिवर्तन भएका छन् । प्रहरी प्रधान कार्यालयले मंगलबार ५२ जना प्रहरी उपरीक्षक (एसपी) ...
पोखरा । जिल्ला प्रहरी कार्यालय कास्कीमा कार्यालय प्रमुख परिवर्तन भएका छन् । प्रहरी प्रधान कार्यालयले मंगलबार ५२ जना प्रहरी उपरीक्षक (एसपी) सरुवा गरेको थियो ।
कास्कीमा कार्यरत प्रहरी उपरीक्षक (एसपी) जीवनकुमार श्रेष्ठ सरुवा भएका छन् । श्रेष्ठ कास्कीमा एक वर्ष अघि अर्थात २०७७ असारमा आएका थिए ।
उनलाई लागूऔषध नियन्त्रण व्यूरो, अपराध अनुसन्धान तथा कारबाही कार्यालय काठमाडौंमा सरुवा गरिएको हो ।
कास्की प्रहरीको कमाण्ड अव रमेश थापाले गर्ने भएका छन् । एसपी थापा यसअघि प्रहरी प्रधान कार्यालय इन्टरपोल शाखामा कार्यरत थिए ।
यसैगरी तनहूँ प्रहरी प्रमुखमा दिनेशराज मैनाली आउने भएका छन् । यस्तै, नेपाल प्रहरी प्रदेश कार्यालय पोखरामा राजीवबहादुर बस्नेत आउने भएका छन् ।
यसअघि यस कार्यालयमा रहेका राजेन्द्रबाबु रेग्मीलाईको सरुवा भएको हो ।
यसैगरी गण्डकी प्रदेश सशस्त्र प्रहरी गण मुख्यालयमा पोखरामा ऋषिराम कंडेल, गण्डकी प्रदेश प्रहरी कार्यालयमा यसअघि तनहूँमा रहेका अरुण पौडेल आउने प्रहरी प्रधान कार्यालयको सरुवा सूचीमा उल्लेख छ ।
