स्याङ्जा, १८ जेठ । स्याङ्जाका थप ३५ जनामा कोरोना पुष्टि भएको छ भने ३ जना संक्रमितको उपचारको क्रममा निधन भएको छ । पछिल्लो २४ घण्टामा संक्रम...
स्याङ्जा, १८ जेठ । स्याङ्जाका थप ३५ जनामा कोरोना पुष्टि भएको छ भने ३ जना संक्रमितको उपचारको क्रममा निधन भएको छ ।
पछिल्लो २४ घण्टामा संक्रमणबाट गल्याङ नगरपालिकाका एक जना र अर्जुन चौपारी र कालीगण्डकी गाउँपालिकाका एक/एक जना कोरोना संक्रमितको उपचारको क्रममा निधन भएको स्वास्थ्य निर्देशनालय पोखराले बताएको छ ।
गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता एवम् निर्देशक विनोद विन्दु शर्माका अनुसार गल्याङ नगरपालिका ८ का ५२ वर्षीय कोरोना संक्रमित पुरुषको लुम्बिनी मेडिकल कलेज पाल्पामा निधन भएको छ । उहाँलाई जेठ ८ गते संक्रमण पुष्टि भएको थियो ।
त्यसै गरी अर्जुन चौपारी गाउँपालिका ५ का ८६ वर्षीय कोरोना संक्रमित पुरुषको उपचारको क्रममा आर्मी अस्पताल पोखरामा निधन भएको छ । उहाँलाई जेठ १२ गते संक्रमण पुष्टि भएको थियो ।
निर्देशक शर्माको अनुसार कालीगण्डकी गाउँपालिका ७ का ६२ वर्षीय कोरोना संक्रमित महिलाको उपचारको क्रममा गण्डकी मेडिकल कलेज पोखरामा निधन भएको छ । उहाँलाई जेठ १२ गते संक्रमण पुष्टि भएको थियो ।
त्यसै गरी पछिल्लो २४ घण्टामा जिल्लाका १८ पुरुष र १७ महिला गरी थप ३५ जनामा कोरोना संक्रमण पुष्टि भएको छ ।
