पाल्पाको रैनादेवी छहरा गाउँपालिका-६ तल्लोतालमा स्याललाई हानेको बन्दुकको छर्राले लागेर एक पुरुषको ज्यान गएको छ । मकैबारीमा आएको स्याललाई हा...
पाल्पाको रैनादेवी छहरा गाउँपालिका-६ तल्लोतालमा स्याललाई हानेको बन्दुकको छर्राले लागेर एक पुरुषको ज्यान गएको छ । मकैबारीमा आएको स्याललाई हान्ने क्रममा बाबुले पड्काएको बन्दुकको छर्राले लागेर छोराको ज्यान गएको हो ।
निधन हुनेमा रैनादेवी छहरा गाउँपालिका–६ जुठापौवास्थित तल्लोतालका ३५ वर्षीय धनबहादुर लम्तरी रहेको जिल्ला प्रहरी कार्यालय पाल्पाका प्रवक्ता प्रहरी नायब उपरीक्षक रामेश्वर त्वातीले जानकारी दिनुभयो ।
५६ वर्षीय कर्णबहादुरले शुक्रबार बेलुकी ६ बजे भरूवा बन्दुकले मकै बारीमा आएको स्याललाई हानेका थिए। स्याललाई ताकेको बन्दुकको छर्राले घरदेखि करिब १०० मिटर टाढा मकै बारीमा रहेका छोराको टाउकोमा लागेको प्रवक्ता त्वातीले बताउनुभयो । प्रहरीले एक नाले भरुवा बन्दुक सहित कर्ण बहादुरलाई नियन्त्रमा लिएर घटनाबारे थप अनुसन्धान गरिरहेको जनाएको छ।
