पोखरा । पर्वतको कुस्मा नगरपालिका वडा नम्बर २ खुुर्कोटकी मिर्गौला पीडितलाई आर्थिक सहयोग हस्तान्तरण गरिएको छ । दुबै मिर्गौला फेल भएकी जुनाकुमा...
पोखरा । पर्वतको कुस्मा नगरपालिका वडा नम्बर २ खुुर्कोटकी मिर्गौला पीडितलाई आर्थिक सहयोग हस्तान्तरण गरिएको छ । दुबै मिर्गौला फेल भएकी जुनाकुमारी रेग्मी बचाउ अभियानबाट संकलन भएको रकम पीडितलाई हस्तान्तरण भएको हो ।
पोखरामा शनिबार आयोजित एक कार्यक्रमका बीच कृष्ण कडेंल इन्द्रेणी फाउण्डेशन मार्फत् सहयोगी मनहरुले संकलन गरी पठाएका २० लाख बढी रकम हस्तान्तरण गरिएको यमबहादुर रेग्मीले जानकारी दिए ।
अमेरिकाबाट नेपालीहरुले संकलन गरेको उक्त रकम फाउण्डेशनको रोहवरमा अध्यक्ष कृष्ण कंडेलले पीडितलाई हस्तान्तरण गरे । आर्थिक संकलन अभियान संयोजक गंगाबहादुर क्षेत्री, सुरेश बहादुर क्षेत्री लगायतको सक्रियतामा संकलित २० लाख २९ हजार ९ सय २५ रुपैयाँ हस्तान्तरण गरिएको हो ।
यसबाहेक कतार र काेरियाबाट करिब ३ लाख संकलन गरी पठाइसकिएकाे छ । सुरूमै दाजुभाइले १ लाख प्रदान गरी रेग्मीलाई उपचारका लागि काठमाण्डाै पठाएका थिए ।
हस्तान्तरण कार्यक्रममा वरिष्ठ लाेक गायिकाहरू तारा थापा र कविता आले, लोक दोहोरी गायिका पार्वती जिसी लगायतका कलाकारहरु सहभागी भएका थिए ।
गुराँस पौडेल र राजेन्द्र रेग्मीले ईन्द्रेणी मार्फत् हस्तान्तरण गराउन भूमिका खेलेका थिए । पोखरामा आयोजित राष्ट्रिय खुल्ला दोहोरी गीत प्रतियोगिताका लागि ईन्द्रेणी टीम अहिले पोखरामै छ ।
यसैबीच, ईन्द्रेणी फाउण्डेशनलाई अमेरिकामा रहेका तेजेन्द्र बहादुर रेग्मी, राजन रेग्मी, लोकबहादुर क्षेत्री, प्रकाश क्षेत्री, गंगाबहादुर क्षेत्री, राजेन्द्र रेग्मी, सुरेश रेग्मी र धनबहादुर खत्रीले ८५ हजार सहयोग पनि गरेका छन् । उनीहरूले पठाएका उक्त रकम यमबहादुर रेग्मीले फाउण्डेशनका अध्यक्ष कँडेललाई हस्तान्तरण गरे ।
