स्याङ्जा, १२ वैशाख । स्याङ्जाको चापाकोट नगरपालिकामा सात दिने अचार बनाउने तालिम सम्पन्न भएको छ । चापाकोट अपाङ्ग संघको आयोजना र चापाकोट नगरप...
स्याङ्जा, १२ वैशाख । स्याङ्जाको चापाकोट नगरपालिकामा सात दिने अचार बनाउने तालिम सम्पन्न भएको छ ।
चापाकोट अपाङ्ग संघको आयोजना र चापाकोट नगरपालिकाको सहयोगमा अपाङ्गता भएका व्यक्तिहरुलाई आत्मनिर्भर बनाउने उद्देश्यले बैशाख ३ गतेदेखि शुरु भएको अचार बनाउने तालिम ९ गते सम्पन्न भएको हो ।
नगरपालिका नगर प्रमुख देव बहादुर खाँणले उद्दघाटन गर्नुभएको कार्यक्रमको सम्पन्न कार्यक्रममा नगरपालिकाका उपप्रमुख इशा राना, प्रमुख प्रशासकीय प्रमुख ध्रुब खनाल, वडा ९ का अध्यक्ष कृष्ण सुवेदी लगायतको उपस्थिति रहेको थियो ।
कार्यक्रममा सहभागीहरुले सीप मुलक तालिममा नगरपालिकाले प्राथमिकता दिनुपर्नेमा जोड दिएका थिए ।
अचार बनाउने तालिममा २० जनाले सहभागीता जनाएको चापाकोट अपाङ्ग संघको अध्यक्ष सुनिता थापाले जानकारी दिनुभयो ।
