पाल्पा । तनहुँको भीमादमा जीप दुर्घटना हुदाँ दुई यात्रुको घटनास्थलमा मृत्यु भएको छ । पोखराबाट पाल्पाको रामपुर आउदै गरेको जिप भीमाद नगरपालिक...
पाल्पा । तनहुँको भीमादमा जीप दुर्घटना हुदाँ दुई यात्रुको घटनास्थलमा मृत्यु भएको छ । पोखराबाट पाल्पाको रामपुर आउदै गरेको जिप भीमाद नगरपालिकाको मिर्छुलुङमा गाडीलाई साइड दिने क्रममा जिप सडकबाट तल खसेको हो ।
चालकसहित १० जना यात्रु घाइते भएका छन् । घाइतेमध्ये ९ जना सिकिस्त छन् । घाइतेहरूको जिपि कोइराला स्वासप्रश्वास अस्पतालमा पोखरामा उपचार भइरहेको छ । मृतक तथा घाइतेहरूकाे पहिचान खुल्न नसकेकाे प्रहरीले जनाएकाे छ ।
ग १ ज ७५३४ नम्बरको जिप घुम्ती सडकबाट करिब डेढ सय मिटर तल खसेको प्रहरीले जनाएको छ ।
तीमध्ये बढी घाइते भएका ३ जनाको थप उपचारका लागि पोखरा रिफर गरिएको छ । घटनाको थप विवरण आउन बाँकी छ ।
विहान ७ बजे रामपुरका लागि पोखरा बाट छुटेको जिप पौने नौ बजे गाडीलाई साईड दिने क्रममा दुर्घटना भएको थियो ।
