स्याङ्जा, ७ चैत । स्याङ्जाको चापाकोट नगरपालिकामा बेवारिसे अवस्थामा नवजात शिशु फेला परेको छ । चापाकोट नगरपालिका ९ मजुवाको खोल्सामा बेवारिसे...
स्याङ्जा, ७ चैत । स्याङ्जाको चापाकोट नगरपालिकामा बेवारिसे अवस्थामा नवजात शिशु फेला परेको छ ।
चापाकोट नगरपालिका ९ मजुवाको खोल्सामा बेवारिसे अवस्थामा (सालनाल नछुटिएको अवस्थामा) नवजात शिशु फेला परेको देखेपछि स्थानीयले प्रहरीलाई खबर गरेको थियो ।
शिशु जिवित रहेको र हाल चापाकोट अस्पतालमा प्राथमिक उपचार भइरहेको इलाका प्रहरी कार्यालय चापाकोटका प्रहरी निरीक्षक विन्देश्वर यादवले जानकारी दिनुभयो।
अस्पतालले शिशुलाई थप उपचारको लागि पोखरा पठाउने तयारी भइरहेको जनाएको छ ।
कसले बच्चा जन्माएर के उद्देश्यले फालेको हो भन्ने कुरा पत्ता नलागेको र घटनाको सम्बन्धमा आवश्यक अनुसन्धान भइरहेको प्रहरीले जनाएको छ ।
