चापाकोट, २७ साउन । स्याङ्जाको चापाकोट नगरपालिकामा आइतबार बेलुका ट्याक्टर दुघर्टना हुँदा चालकको मृत्यु भएको छ । मृत्यु हुनेमा पाल्पाको रामप...
चापाकोट, २७ साउन । स्याङ्जाको चापाकोट नगरपालिकामा आइतबार बेलुका ट्याक्टर दुघर्टना हुँदा चालकको मृत्यु भएको छ ।
मृत्यु हुनेमा पाल्पाको रामपुर नगरपालिका ४ देबिस्थान घर भई हाल चापाकोट नगरपालिका १० बोटेटार ससुराली बस्ने २८ वर्षीय महेन्द्र दमाई रहेको इलाका प्रहरी कार्यालय चापाकोटका कार्यालय प्रमुख प्रहरी नायव उपरीक्षक जेसी शाहले जानकारी दिनुभयो ।
आइतबार बेलुका चापाकोट नगरपालिका १० बायोडाँडास्थित भित्रि सडक खण्डमा बारीकुनाबाट माटो लिई चापाकोट तर्फ आउँदै गरेको लु ४ त २२१ नम्बरको ट्याक्टर अनियन्त्रीत भई दुघर्टना भएको थियो ।
ट्याक्टर दुघर्टना हुँदा घाइते भएका उनको चापाकोट अस्पतालमा उपचार गर्न लगेकोमा डाक्टरले मृत घोषणा गरेको हो ।
प्रहरीले घटनाको सम्बन्धमा आवश्यक अनुसन्धान गरिरहेको जनाएको छ ।
