स्याङ्जा : अबिरल बर्षासँगै आएको बाढिले स्याङ्जाको गल्याङ नगरपालिका वडा नम्वर ५ सेतिबेणी बजारका ८ घर बगाएको छ । आज बिहान कालिगण्डकी नदीको ब...
स्याङ्जा :
अबिरल बर्षासँगै आएको बाढिले स्याङ्जाको गल्याङ नगरपालिका वडा नम्वर ५ सेतिबेणी बजारका ८ घर बगाएको छ ।
आज बिहान कालिगण्डकी नदीको बाढि बजारमा पसेको हो । जसको कारण ८ घर पूर्णरुपमा क्षतीग्रस्त भएका जिल्ला प्रहरी कार्यालय स्याङ्जाका प्रवक्ता डिएसपी राजेन्द्र प्रसाद अधिकारीले जानकारी दिनुभयो ।
उहाँका अनुशार स्थानीय केश वहादुर क्षेत्री,केशवराज न्यौपाने,ठाकुर प्रसाद श्रेष्ठ,रेशमराज न्यौपाने,लक्ष्मीपती न्यौपाने,गुरु बहादुर क्षेत्री,तेजराम काफ्ले र त्रिबिक्रम हेजुको घर बाढिले क्षेतीग्रस्त बनाएको हो ।
८ घरका २४ जनाको बिस्थापित भए पछि उनीहरुलाई उद्धार गरी नजिकैको बिद्यालयमा राख्ने तयारी भईरहेको प्रवक्ता अधिकारीले जानकारी दिनुभयो ।
यसैबीच स्याङ्जाको भीरकोट नगरपालिका–३ स्थित आँधीखोलामा बिहान एक पुरुषको शव फेला परेको छ ।
प्रहरी प्रवक्ता अधिकारीका अनुसार आँधीखोलाको बीच भागमा उठेको ढिस्कोमा पुरुषको शव भेटिएको हो । शवको पहिचान खुल्न बाँकी रहेको उहाँले जानकारी दिनुभएको छ ।
यता अबिरल बर्षाका कारण सिद्धार्थ राजमार्गको ठाँउठाँउमा पहिरो जाँदा अवरुद्ध हुन पुगेको छ । त्यस्तै सबै ग्रामिण सडकहरु पनि अवरुद्ध भएका प्रहरीको भनाई छ ।
