स्याङ्जा, २ असार । स्याङ्जाको भीरकोट नगरपालिकामा आज बिहान जीप दुर्घटना हुँदा एक जनाको मृत्यु भएको छ । मृत्यु हुनेमा भीरकोट नगरपालिका ३ ३६ ...
स्याङ्जा, २ असार । स्याङ्जाको भीरकोट नगरपालिकामा आज बिहान जीप दुर्घटना हुँदा एक जनाको मृत्यु भएको छ । मृत्यु हुनेमा भीरकोट नगरपालिका ३ ३६ वर्षीय गणेश जंग अधिकारी रहेको प्रहरीले बताएको छ ।
भीरकोटको बानेथोकबाट बयारघारी आउँदै गरेको ग १ ज ४९४० नम्बरको जीप छाङ्छाङ्दीमा आज बिहान दुर्घटना हुँदा ८ जना घाईते भएका थिए ।
घाईतमध्ये एक जनाको कालिका सामुदायिक अस्पताल हेलुमा उपचारको क्रममा मृत्यु भएको जिल्ला प्रहरी कार्यालय स्याङ्जाका प्रवक्ता एवम् सूचना अधिकारी राजेन्द्र प्रसाद अधिकारीले बताउनुभयो ।
घाईतेलाई कालिका सामुदायिक अस्पताल हेलुमा प्राथमिक उपचार गरी थप उपचारको लागि पोखरा पठाउने तयारी भइरहेको प्रहरीले बताएको छ ।
