स्याङ्जा । गण्डकी प्रदेशले प्रधानमन्त्री कप राष्ट्रिय महिला टी–२० क्रिकेट प्रतियोगिताका लागि यहि पुस २५ र २६ गते प्रदेशस्तरिय छनोट प्रतियोग...
स्याङ्जा । गण्डकी प्रदेशले प्रधानमन्त्री कप राष्ट्रिय महिला टी–२० क्रिकेट प्रतियोगिताका लागि यहि पुस २५ र २६ गते प्रदेशस्तरिय छनोट प्रतियोगिता गर्ने भएको छ ।
छनोटमा नवलपुर,कास्की र स्याङ्जा गरी तीन जिल्लाका टोली सहभागि छन् । प्रतियोगिताको सम्पूर्ण खेल स्याङ्जाको चापाकोटस्थित गंगालाल खेल मैदानमा हुनेछ ।
प्रधानमन्त्री कप राष्ट्रिय महिला टी २० क्रिकेट प्रतियोगिता पुस २९देखि इटहरीको जनता क्रिकेट पार्कमा हुनेछ ।
यस प्रतियोगितामा सात प्रदेश र एक विभागीय गरी आठ टोलीको सहभागिता रहनेछ । खेल लिग कम नकआउटको आधारमा संञ्चालन हुने प्रतियोगिताका आठ टोलीलाई दुई समूहमा विभाजन गरिने छ ।
प्रत्येक समूहको विजेता र उपविजेताले सेमिफाइनलमा स्थान बनाउने प्रतियोगितामा कुल १८ खेल हुनेछन् ।
प्रतियोगिताको विजेताले पाँच,उपविजेताले तीन लाख रुपैयाँ प्राप्त गर्नेछन् । सर्वोत्कृष्ट खेलाडीले ३० हजार तथा उत्कृष्ट ब्याटर र बलरले समान २० हजार रुपैयाँ पाउनेछन् । यसैगरी प्रत्येक खेलका ‘प्लेयर अफ द म्याच’ले ३ हजार प्राप्त गर्नेछन् ।
