पाल्पा, पाल्पामा पौडी खेल्ने क्रममा डुबेर सोमबार एकै दिन दुई जनाको मृत्यु भएको छ । तिनाउ गाउँपालिका–३ सिद्धबाबा नजिकै तिनाउ खोलामा डुबेर भ...
पाल्पा, पाल्पामा पौडी खेल्ने क्रममा डुबेर सोमबार एकै दिन दुई जनाको मृत्यु भएको छ । तिनाउ गाउँपालिका–३ सिद्धबाबा नजिकै तिनाउ खोलामा डुबेर भारत गोरखपुर फत्तेपुरका ३४ वर्षिय बिपिन धुसीया र रैनादेवी छहरा गाउँपालिका–८ को जलुके झर्नामा डुबेर सुद्दोधन गाउँपालिका २ रजाडका २२ वर्षिय सन्जय चौधरीको मृत्यु भएको हो ।
साथीहरु संगै तिनाउ खोलामा पौडी खेल्न आएका बिपिन साँझ ५ः२५ बजे पौडी खेल्ने क्रममा डुबेका थिए । उनलाई अन्य मानिस र प्रहरीले उद्धार गरी पानी बाट निकालेको थियो । गम्भीर अवस्थामा रहेका उनलाई तत्काल उपचारको लागि लुम्बिनी प्रादेशिक अस्पताल पठाईएकोमा ७ः११ मा डाक्टरले मृत घोषण गरेको जिल्ला प्रहरी कार्यालय पाल्पाले जनाएको छ । त्यस्तै साथीहरु संगै पौडी खेल्न आएका सञ्जय पनि साँझ ६ः४५ मा पौडी खेल्ने क्रममा डुबेका थिए । साथीहरुले उद्धार गरी लुम्बिनी प्रादेशिक अस्पताल बुटवल पठाईएकोमा बुटवल पु¥याई डाक्टरले चेकजाँच गर्ने क्रममा मृतघोषणा गरेको जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक वीरेन्द्र थापाले जानकारी दिनुभयो ।
घटनाको विषयमा थप अनुसन्धान भैरहेको प्रहरीले जनाएको छ ।
